Божалар гуруҳидан “Оғриди бошим” тез кунда

Эстрадамизнинг комик ижодкорларидан ташкил топган, тиниб-тинчимас  “Божалар” гуруҳи жамоаси яна бир ноодатий ва кайфиятни кўтарувчи тарона ва видеоклип устида ишламоқда. 

“Оғриди бошим” деб номланган бу мусиқий асарнинг сўзи гуруҳ жамоасига тегишли. Мусиқа ва аранжировкаси эса Ботир Алиев томонидан амалга оширилган.  Шунингдек, бу композицияга Жонрид Сагдиев режиссёрлигида икки давомида видеоклип суратга олинмоқда. Унда сиз Жаҳонгир Позилжонов ва унинг жамоасини кутилмаган образда кўришингиз мумкин.

Бу ҳали ҳаммаси эмас. Хонанданинг “Бойвачча” деб номланган таронасининг янги талқини ва унга ишланган видеоклип ҳам тайёр бўлди. Ўзбек ва рус тилида куйланган бу қўшиқ ва видео асарни сиз тез кунда сайтимиз орқали томоша қилишингиз мумкин.