Наргиз янги видеоклип устида ишламоқда

Ижодий танаффусдан қайтиши билан янги ғоялар устида иш олиб бораётган хонанда Наргиз мухлислари учун бир қатор янгиликлар тайёрламоқда. Наргиз куни кеча янги “Булбул” деб номланган таронасига видеоклип суратга олдирди. Гавҳар сўзи билан яратилган мазкур композицияга Афзал Ҳусанов мусиқа басталаган.  Видеоклипни эса клипмейкер Жаҳонгир Ибрагимов тасвирга олган. Трек жанрида суратга олинган мазкур клипда хонанда бир нечта имиджда намоён бўлади. Наргизнинг хабар беришича, клипни суратга олиш жараёни қизиқарли кечган. Мазкур ижод маҳсули тайёр бўлиши билан албатта сайтимиз орқали биринчи бўлиб тақдим этилади. Шундай экан, бизни кузатишда давом этинг.