Манзурадан кутилмаган видеопремьерани қарши олинг

Ўзбек эстрадасининг ёрқин намоёндаларидан бири бўлган хушовоз хонанда Манзура бир қатор янги тарона ва видеоклиплар устида иш олиб бормоқда. Яқиндагина кутилмаган янгиликларини сайтимиз орқали бўлишган Манзуранинг “лазги” таронасига яратилган видеоклипи тайёр бўлди. Рақсга чорловчи, шўх композицияга ишланган видеомаҳсулот замонавий услубда тасвирга олинган. Кичик деталлардан тортиб, либосларгача миллийлигимиз билан уйғунлашган. Сўзи ва мусиқаси Шохжаҳон Эргашевга тегишли бўлган бу қўшиққа Дилмурод Агзамов режиссёрлигида видеоклип суратга олинган. Операторлик вазифасини эса Рустам Муродов бажарган. Айни дамда сиз ушбу видеоклипни сайтимиз орқали тинглаб, баҳо бериш имконига эгасиз.Марҳамат!