Dj Piligrim мухлислари учун кутилмаган туҳфа тайёрламоқда

Ўзига хос овоз соҳиби Dj Piligrim янги тарона ва видеоклип устида иш олиб бормоқда. “Кечаю кундуз” деб номланган мазкур қўшиққа Европанинг “Raybox” видеостудиоси томонидан видеоклип суратга олинди. Тасвирга олиш ишлари Кипрнинг Лимасол шахрида бўлиб ўтди.

Видео асар сюжетида барча воқеалар Ранчода бўлиб ўтади. Севги-муҳаббат мавзусидаги ушбу клип қаҳрамонлари ковбойлар образида намоён бўлишади. Шунингдек суратга олиш жараёнида кўплаб отлардан фойдаланилди. Бир сўз билан видеоклипни кичик Вэстрин деб номлаш мумкин.

Ушбу видеоклип намоёшини Dj Piligrim сентябрь ойида Тошкентдаги кинотеатрлардан бирида ўтказишни режалаштирмоқда. Демак, кузатишда давом этинг.