Энг яхши клиплар ТОП 5 талиги.
Popcorn.uz сайти 2014 йилнинг Январь ойида YouTube интернет видеохостингига жойлаштирилиб то бугунги кунгача энг кўп томоша қилинган клиплар Топ-5 талигини эътиборингизга ҳавола этади.
Ушбу рейтингни тузишда YouTube интернет видеохостинг хизматидан олинган маълумотлардан фойдаландик. Энг кўп томоша қилинган клиплар адолатли равишда юқори поғоналардан жой олди.
Демак, 5-ўриндан Муниса Ризаеванинг “Ёмғирлар” номли таронасига ишланган клипи жой олган. "Ёмғирлар" клипи YouTube интернет видеохостингига 10-январь куни жойлаштирилган. Айни пайтгача мазкур видеоклипни 23 мингдан ортиқ томошабинлар томоша қилган.
Хит парадмизнинг 4-ўрнини “Божалар” гуруҳининг “Қўғирчоқ” қўшиғининг видоклипи жой олган. 7-январь куни мухлислар эътиборига ҳавола қилинган мазкур клипдан шу кунгача 27 мингдан зиёд томошабинлар баҳраманд бўлишган.
Топ 5 таликнинг 3-ўрни Лоланинг “Super love” таронасининг клипига насиб этди. Мазкур видеоклипни 15-январьдан буён бугунги кунгача 35 мингдан ортиқ муҳлислар томоша қилган.
Энг яхши клиплар рейтингининг 2-поғонасида Шоҳруҳхонинг “Янги қўшиғим” номли таронасига ишланган видеоклип. 24-январь куни YouTube интернет видеохостингига жойлаштирилган ушбу ижод маҳсулини бугунги кунгача 39 мингдан зиёд томошабинлар кўриб чиққанлар.
Ниҳоят 1- ўрин! Хит парадимизнинг юқори ўрнини Улуғбек Раҳматуллаевнинг “Мени кечир” номли таронасига суратга олинган видеоклип эгаллаган. Оила, муҳаббат ришталарини мустаҳкамлашга чорловчи ушбу клипдан 26-январьдан то хозиргача 57 мингдан ортиқ томошабинлар баҳра олишган.