«Сен дунёимсан» бу сиз ўйлаган муҳаббат эмас!

Мухлисларини ҳушнуд этишда чарчамайдиган хонанда Лейли яна бир янги ижод маҳсули устида иш олиб бормоқда! «Сен дунёимсан» деб номланган мазкур қўшиқ Вагиф Зокиров билан ҳамкорликда яратилган. Қўшиқ номини эшитиб, ҳаёлингизга келган муҳаббат ҳақида деб ўйласангиз янглишасиз. Чунки бу қўшиқ ёрга бўлган муҳаббатни эмас аксинча, ватанга, ота-онага, фарзандга бўлган меҳр-муҳаббатни ўзида акс эттирган.

 

Ушбу таронага истеъдодли ва маҳоратли клипмейкер Жасур Шаметов режиссёрлигида видеоклип суратга олиш ишлари бошлаб юборилди. Клип сюжет ҳамда трек йўналишида бўлиб, пойтахтимиз кўчаларида суратга олинмоқда.

 Хонанданинг хабар беришича янги маҳсулот тез кунда мухлислар эътиборига ҳавола этилади. Ҳозирча кузатишда давом этамиз.