Тез кунда Ботир Яминовдан “Ёмондан” ёхуд “Бевафо ёр 2” ҳаётга бўлган қарашларимизни буткул ўзгартира оладиган клип

Ботир Яминовнинг яқиндагина Фм 101.0 тўлқини орқали премьера этилган “Ёмондан” деб номланган таронаси учун куни кеча видеоклип суратга олинди. Хонанданинг ижодидан ўрин олган, кучли жанрдаги ҳаётий воқеаларни ўз ичига олган “Бевафо ёр” қўшиғига ишланган видеоклип муҳлислар ва томошабинларни таъсирлантириб, ҳаётга бўлган қарашларини қайсидир маънода ўзгартира олганди.

 

 

Мана шу сюжетни давом эттириш мақсадида барчага таниш бўлган “Ёмондан” таронаси “Бевафо ёр 2” дея қўшимча номланиб ўша ижодкорлар яъни режиссёр Муҳаммадали Искандаров ғояси асосида тасвирга туширилди. Тўрт кун давомида, шаҳримиз бўйлаб суратга олинган видеоклипда таниқли актёрлар Умид Искандаров, Гулчеҳра Саъдуллаевалар иштирок этишган. Хонанданинг айтишича клип жуда таъсирли ва тарбиявий аҳамиятга эга. Ажаб эмас хонанданинг мазкур ижод маҳсули уни томоша қилган ким учундир ўгит, яна ким учундир бир зум тўҳтаб ўтмишга назар солиб, яна бир бор ўйлаб кўриши учун сабоқ бўла олса. 

 

 

 Ботир Яминовдан тез кунда “Ёмондан” ёхуд “Бевафо ёр 2” таронасига ишланган видеоклип премьерасини ўтказиб юборманг.