Азимжон Сайфуллаевдан “Садо” таронасига ишланган клип жараёнлари
Ёш ижодкорлардан бири бўлган Азимжон Сайфуллаев ўз устози Фарҳод Саидовнинг ўгитларини олиб, ижодини давом эттирмоқда. Устози билан бирга ижро этган дуэт қўшиқлари кўпчиликка манзур келганидан ҳушнуд бўлган хонанда яна бир янги қўшиқни яккахон тарзда ижро этди. “Садо” деб ном олган қўшиқ Бухоро мавригиларидан олинган бўлиб, халқ куйидан иборат. Матни эса Азиз Саидов қаламига мансуб, аранжировкани Азимжоннинг ўзи бажарган.
Тез кунда “Ўзбегим таронаси” радиоси орқали премьераси кутилаётган “Садо” композицияси учун Шуҳрат Мавлонов режиссёрлигида видеоклип суратга олинган. Айни кунларда эса монтаж жараёнлари олиб борилмоқда. Бугун эътиборингизга ана шу клипнинг тасвирга олиш жараёнларидан фоторепортаж тақдим этамиз. Марҳамат томоша қилинг, яқин кунларда эса янги тарона ва клип премьерасини ўтказиб юборманг.
