“Ёлғон дунё” фильм премьераси. Ёлғон, ҳиёнат ва разилликнинг оҳири жазосиз қолмайди...

Алишер Навоий номли кино саройида деярли ҳар ҳафта янги кинокартина премьераси бўлиб ўтади. Янги таассуротлар, янги фикрлар ва таниқли актёрлар билан учрашувлар томошабинларга қувонч бағишлаб, мароқли маданий ҳордиқ олишади. Бугун ҳам мазкур киносарой янги фильм перемьерасига томошабинларни чорлади. Ёш умидли ижодкор Равшан Усмоновнинг илк режиссёрлик иши бўлган ''Ёлғон дунё'' картинаси тақдимотига эл суйган актёрлар, оммавий ахборот воситалари ходимлари ва киносевар мухлислар ташриф буюришди. 

 

 

 

Саҳнага фильм ижодкорлари таклиф этилишдан аввал бош роль ижрочиси бўлган ёшларнинг севимли хонандаси Каниза саундтрек таронани куйлаб, мухлисларни ҳушнуд этди. Сўнгра ''Ёлғон дунё'' картинаси яратилишида иштирок этган ижодкорлар билан таништирилди. Бош қахрамонлар образларини Отабек Муталхўжаев, Каниза, шунингдек актриса Саида Саидбековалар ижро этишган. 

 

 

 

Сценарий муаллифи ва постановкачи режиссёр Равшан Усмонов, постановкачи оператор Баҳром Бердиев, постановкачи рассом Рустам Мусаев, иккинчи режиссёр Камолиддин Юнусов, картина директори Феруза Нодирова, актёрлардан Теша Мўминов, Баҳром Аҳмедов, Мирза Азизов, Муяссар Бердиқулова, Толиб Мўминов, Ботир Муҳаммаджонов, Ҳожиакбар Комилов, Гулзода Исроилова, Моҳинур Бегалиева, Азиз Саидов, Камолиддин Юнусов ва бошқалар бугун ўз меҳнатлари маҳсули бўлган картинани кенг омма ҳукмига тақдим этишди. Фильм намойишидан аввал Отабек Муталхўжаев ҳам саундтрек композицияни ижро этди.

 

 

 

 

Тасодифий учрашув билан бошланган икки ёшнинг муҳаббати турли тусиқларга, синовларга учраб, воқеалар ривожи кутилмаган даражада томошабинни ўйлантириб қўйди. Ҳаётда учраб турувчи ғараз ниятли, диёнатсиз кимсалар сабаб, инсон баъзан чорасизликда қолади. Ёлғон, ҳиёнат ва разилликнинг оҳири жазосиз қолмаслиги, яхшиларнинг ёрдами туфайли инсон ҳаётга қайтиши, мухаббатига садоқатли бўлганлар албатта бир кун унга эришишлари фильмнинг асосий мазмунини акс эттиради. 

 

 

 

 

 

 

Янги кинофильм премьераси томошабинларга ҳулоса чиқариш учун яна бир имкон берди, десак янглишмаймиз. Актёрларнинг ижроси, операторнинг маҳорати ва ёш режиссёрнинг ишига маъсулият билан ёндошгани картинанинг муваффақиятини таъминлайди. Бу борада томошабинлар ўзларига керакли фикр ва мулоҳаза чиқарадилар. Биз эса ''Ёлғон дунё'' картинаси ижодкорларини премьера билан муборакбод этиб, муваффақият тилаймиз.

 

 

 

 

 

 

 

 

 

 

 

 Фотолар муаллифи Тимур Кабуловга ўз миннатдорчигилимизни билдирамиз