Бунёдбек Саидов ижодида ўзгача ва кутилмаган кўринишдаги видеклип премьераси "Мозалим"
Эстрадамизда жуда қисқа вақт ичида танилиб, кетма-кет янги қўшиқлар ва видеоклипларини тақдим этаётган, ҳатто яккахон концерт дастурларини намойиш этишга ҳам улгурган хонанда Бунёдбек Саидов айни вақтда қизғин ижод билан банд. Мухлисларини кўп куттирмаган ҳолда янгиликлар яратишда давом этаётган хонандадан яна бир янги видеомаҳсулот премьерасини қарши олинг.
Ижодкор бундан олти йил аввал яралган “Мозалим” номли таронасини янгича кўринишда қайта ижро этди ва унга видеоклип суратга олинди.
“Мозалим” хоразмча асалим, деган маънони билдириб, қўшиқнинг сўзлари Мақсуд Қўчқоров қаламига мансуб. Қўшиққа мусиқий сайқал бериш ишларини эса Аъзамжон Эралиев амалга оширган.
Видеоклип тасвирга олинишида истеъдодли режиссёр Дилмурод Агзамов ҳамда профессионал оперетор Рустам Муродовнинг хиссаси катта. Графика ишларини эса Баҳтиёр Латифхўжаев бажарган.
Клип трек йўналишида суратга олинган бўлиб, Бунёдбек Саидов ижодида ўзгача ва кутилмаган кўринишда эканига уни томоша қилиб, амин бўласиз. Марҳамат сайтимиздан ўрин олган видеомахсулотни томоша қилинг ва ўз фикрларингизни билдиринг.