Жасур Ғоиповдан янги қўшиқни қарши олинг!
Қўшиқлари ва клиплари орқали тобора халқ назарига тушиб бораётган Жасур Ғоипов ижодидаги навбатдаги таронани бугун эътиборингизга ҳавола этмоқда.
"Ҳаётим" дея номланган қўшиқ илк бора "Ўзбегим Таронаси" радиоси орқали жаранг сочди. Айтиш керакки, бу қўшиқнинг премьераси нафақат мухлислар томонидан, балки шоу-бизнес вакиллари томонидан ҳам кутилган эди.Сабаби ижтимоий тармоқлар орқали анонслар тақдим этилганида, қизиқишлар сони кўп эканлигига гувоҳ бўлдик.
Таронанинг сўзи ва мусиқаси Иқбол Муҳаммаджоновга тегишли. Аранжировка муаллифи эса Жасур Бадалбоевдир. Жасур Ғоиповнинг ижроси ила мукаммал ҳолга келган қўшиқ тингловчиларнинг аъло баҳосига эриша олди. Катта олқишлар билан кутиб олинган тарона тез орада хит даражасига кўтарилишига ишонамиз!
Жасур Ғоипов томонидан тақдим этилаётган янги "Ҳаётим" номли қўшиқни сайтимиз орқали тинглаб, баҳраманд бўлишингиз мумкин!