Канизанинг фан клуби аъзолари билан ижодий учрашуви ва “Кетаман” клипи премьераси

Сана: 25.03.2015 3816 қайноқ

Бугун пойтахтимиздаги “Grand Mir” меҳмонхонасининг конференциялар залида, шоу-бизнес вакиллари орасида энг изланувчан, ноанъанавий йўналишларда ўзини синаб кўришдан чўчимайдиган ва янгилик яратишдан чарчамайдиган хонанда Канизанинг янги видеоклипи тақдимоти ҳамда фан клуби аъзолари билан ижодий учрашуви бўлиб ўтди. Мазкур тадбирда Канизанинг яқин дўстлари, оммавий ахборот воситалари ходимлари, тележурналистлар ҳамда интернет сайтлари вакиллари, шунингдек хонанданинг ижодини доимий равишда кузатиб борадиган асл мухлислари жам бўлди.

Канизанинг фан клуби аъзолари билан ижодий учрашуви ва “Кетаман” клипи премьераси

 Канизанинг фан клуби аъзолари билан ижодий учрашуви ва “Кетаман” клипи премьераси

Тадбир аслида хонанданинг мухлислари талаб ва таклифи билан ташкил этилганини алоҳида айтиб ўтишимиз лозим, сабаби аксарият таниқли юлдузларнинг фан клуби ташкил этилган бўлиб, улар севимли санъаткори билан тез-тез учрашувлар ташкил этиб туришади. Канизага ҳам ана шундай таклифни билдирган мухлисларига бугун хонанда билан учрашиб, суҳбатлашиш насиб этди.

Канизанинг фан клуби аъзолари билан ижодий учрашуви ва “Кетаман” клипи премьераси

 Канизанинг фан клуби аъзолари билан ижодий учрашуви ва “Кетаман” клипи премьераси

Шунингдек, барчага таниш бўлган ва хит даражасига кўтарилган, сериал тарзида давом этиб келаётган мусиқий композицияларининг учинчи қисми, яъни қайнопалар ҳақидаги тарона учун яратилган видеоклипнинг премьераси ҳам ташриф буюрган меҳмонлар учун кутилган совға бўлди.

Канизанинг фан клуби аъзолари билан ижодий учрашуви ва “Кетаман” клипи премьераси

 Канизанинг фан клуби аъзолари билан ижодий учрашуви ва “Кетаман” клипи премьераси

Комедик жанрда суратга олинаётган клипда Ҳалимахон қайнона, Миртоҳир Мирғуломов қайнота, ёш актёр Шароф Шарапов куёв, истеъдодли актриса Анжелла эса қайнопа образларида намоён бўлишган. Ёш истеъдодли режиссёр Исраил Исмаилов томонидан тасвирга олинган мазкур видеоклип ижодий учрашув иштирокчиларига манзур бўлди.

Канизанинг фан клуби аъзолари билан ижодий учрашуви ва “Кетаман” клипи премьераси

 Канизанинг фан клуби аъзолари билан ижодий учрашуви ва “Кетаман” клипи премьераси

Клип тақдимотидан аввал ҳам, намойишдан сўнг ҳам Каниза журналистлар томонидан берилган саволларга жавоб йўллаб, ижоди ва шахсий ҳаёти ҳақида маълумотлар берди. Сайтимиз ходими томонидан берилган, яъни “Мани ёрим Қўқонда” номли янги қўшиқнинг яратилиши шахсий ҳаётингиздаги янгилик билан боғлиқлиги ҳақиқатми, деган саволга Каниза “Бу қўшиқ аввал ҳам ижро этилган тарона, аммо ўзимнинг ҳаётим билан боғлиқлиги шундаки, севимли ёрим бор ва бу йил насиб қилса барчангизни тўйга таклиф этамиз”, дея жавоб берди. Самимий ва ҳушчақчақ Канизанинг келгуси ижодига барака, ҳаётига улкан бахт тилаймиз.

Канизанинг фан клуби аъзолари билан ижодий учрашуви ва “Кетаман” клипи премьераси

 Канизанинг фан клуби аъзолари билан ижодий учрашуви ва “Кетаман” клипи премьераси

Бугун сайтимиз орқали биринчилардан бўлиб сиз ҳам мазкур видеомаҳсулотни томоша қилиш имкониятига эгасиз. Марҳамат, юморга бой лавҳаларни томоша қилиб, баҳраманд бўлинг.     

Фотограф Тимур Кабулов

 

 

Манзил:

Маъмурият билан алоқа

Сайт маълумотларидан тўлиқ ёки қисман фойдаланилганда, манба кўрсатилиши шарт.

Алоқа:

e-mail:info@popcorn.uz

Stop 00:00:00 Vol