Бир неча "Сериал" да ўзини синаб кўрган Умидахондан клип премьераси

Эстрадамизнинг энг шўх ва шаддод қизи Умидахон янги қўшиқ ва видеоклип тайёрлаётгани ҳақида хабар бериб, фоторепортаж тақдим этган эдик. Мана бугун узоқ кутилган кун келди, хонанда “Ўзбегим таронаси” радиосида меҳмон бўлди. Премьера дастурида бўлиб ўтган ижодий суҳбат давомида Умидахон янги қўшиқ ва клип ҳақида батафсил тўхталиб ўтди. Тингловчилар диққатига ҳавола этилган янги композициянинг номи “Сериал”.

Унга ишланган клип ундан-да ғаройиб кўринишда яратилган.  Клипда Умидахон турли сериал образлари, яъни Эсмеральда, Жади, Жасси ҳамда Тангем қиёфаларида намоён бўлади. Қолаверса клип жараёнида бир неча йиллар давомида халқимиз томонидан севиб томоша қилинган бир катор сериал қаҳрамонлари, шу жумладан Мелисио, доктор Молавер, Ҳануман, Жумонг ва бошқаларни учратасиз.

Мазкур ҳазиломуз композиция учун клипмейкер Сарвар Каримов ҳамда оператор Иззат Лутфуллаев томонидан видеоклип тасвирга олинди. ''Сериал'' номли қизиқарли мавзуни қамраган мазкур ижод маҳсулининг сўзи ва мусиқа муаллифи Элдор Қаюмов, аранжировка устаси эса Ботир Алиевдир.

Умидахон ижодидан яна бир янгилик, айни кунда Жасур Бадалбоев ҳамда Элдор Қаюмовлар билан ҳамкорликда иккита янги қўшиқ устида иш олиб бормоқда.

 Бугун эса янги қўшиқ ва видеоклипни томоша қилиб, завқланинг.