"Сирли дуэт" дея кўпчиликнинг эътиборига тушган тарона Сардор Раҳимхон ва Дилсўз ижросида

Instagram ижтимоий тармоғи орқали сирли дуэт дея кўпчиликнинг эътиборини тортган "Соғинди юрак" қўшиғи бугун "Ўзбегим таронаси" радиоси орқали премьера этилди. Ўзбекистонда хизмат кўрсатган артист Сардор Раҳимхон ва гўзал овоз соҳибаси Дилсўз ижросида куйланган дуэт тарона кўпчиликнинг қалбидан жой олишга улгурди десак муболаға бўлмайди. Чунки, тингловчилар томонидан билдирилган фикр мулоҳазалар, илиқ фикрлар бу сўзларнинг далилидир.

 

Яна бир маълумот, сўзлари Баҳодир Низомовга, мусиқаси Умид Обидовга тегишли бўлган ва мухлисларнинг дилига манзур бўла олган мазкур дуэт учун яқин кунларда видеоклип суратга олинади. Сардор ва Дилсўз профессионал ижодкорлар билан ҳамкорликда ишлаб клип ғоясини ҳам тасдиқлашди.

 

 

 

 

Бизни кузатиб боринг, тез кунда клип жараёнларидан фотосуратларни ҳам эътиборингизга ҳавола этамиз. Хозир эса Сардор Раҳимхон ҳамда Дилсўз ижросидаги узоқ кутилган дуэт премьерани тингланг ва баҳоланг.