Шоҳруҳхоннинг “Қўғирчоқ” таронасига видеоклип суратга олинди
Нафақат қўшиқлари, балки нигоҳлари билан ҳам кўплаб мухлисларнинг қалбидан жой олган Шоҳруҳхон янги туҳфа тайёрламоқда.
Шу кунларда барча радио тўлқинлари узра янграётган “Қўғирчоқ” номли қўшиққа видеоклип суратга олинди.
2 кун давомида олиб борилган тасвирга олиш ишлари бир тарафдан машаққатли кечган бўлса, иккинчи тарафдан барчага завқ бағишлади.
Жамшид Хожиниёзов ғояси асосида Ёдгор Носиров суратга олган видео сюжети ҳозирча сир сақланмоқда.
Суратга олиш ишлари эса пойтахтимизнинг бир неча манзилларида олиб борилди. Клипда Шоҳруҳхоннинг ўзи бош қаҳрамон ролини ижро қилди.
Маълум бўлишича, клипда умуман трек қисми бўлмайди. Ижодкорлар деярли бутун бир фильм яратиш мумкин бўлган клип ғояси томошабинларга маъқул келишига ишонч билдиришмоқда.
Инсоний қадриятлар, гўзал туйғулар тасвирланган видео тез кунларда тайёр бўлиши маълум қилинди. Суратга олиш жараёнидан олинган эксклюзив фотосуратлардан баҳраманд бўлинг.
