"Онамни йиғлатманглар" мухлислар талабига биноан янги талқинда

Истеъдодли ва хушовоз хонанда Отабек Муталхўжаев мухлисларини хушнуд этишда давом этади. Хонанданинг “Онамни йиғлатманглар” деб номланган таронаси ва унга ишланган видеоклип барчага манзур келган эди. Ҳаётий воқеаларга асосланиб яратилган мазкур таронанинг мухлисларнинг талаб ва истакларига биноан акустик тури устида иш олиб борилди. “Онамни йиғлатманглар” композициясининг янгича тури бугун Ўзбегим таронаси радиосининг премьера лойиҳаси орқали жаранг сочди. Мухлислар томонидан илиқ кутиб олинган бу тарона жонли ижро этилган. Зуфарий Давлат сўзи, Отабек Муталхўжаевнинг мусиқаси асосида яратилган. Таронага Шухрат Мавлонов томонидан видеоклип суратга олинган.