Отабек Муталхўжаев ҳамда Ҳушнуд дуэти клип ва тарона премьераси
Истеъдодли хонанда, "Ниҳол" мукофоти совриндори Отабек Муталхўжаев ижодидаги дуэт таронани ёш хонанда Хушнуд билан ижро этди. Бу дуэт таронани кўпчилик интиқлик билан кутганди. Сабаби ноодатий йўналишда тайёрланиши кутилган дуэт ва қолаверса, клип ҳам мухлисларнинг қизиқишига сабаб бўлган.
"Хаёл" дея номланган қўшиқ тайёрланишида маҳоратли ижодкор Сиёвуш Рамазонов билан ҳамкорлик қилинди. Бир неча ой давомида профессионал ижодкорлар томонидан тайёрланган ижод намунаси ниҳоят мукаммал равишда мухлислар эътиборига ҳавола этилди.
Бугун "Ўзбегим Таронаси" радиоси орқали бу дуэт тақдим этилган бўлса, сайтимиз орқали мазкур қўшиққа ишланган видеоклип эътиборингизга ҳавола этилмоқда. Видеоклип эса Шуҳрат Мавлонов томонидан суратга олинган.
Ҳам сюжет, ҳам трек йўналишида тайёрланган клип сифатли ва ўзига хос ўз ўрнида қўлланилган компьютер графикаси билан янада ёрқинроқ кўринишга эга бўлган. Клипда Отабек Муталхўжаев ва Хушнуднинг образлари ҳам маҳорат билан яратилганини эътироф этиш зарур.
Энг асосийси, қўшиқ илк тингловчиларга маъқул келиб, уларнинг олқишларига эриша олди. Ёш истеъдод соҳиби Хушнуднинг келгуси ижодий фаолиятига омад ва зафарлар тилаб қоламиз! Сайтимиз орқали бир вақтнинг ўзида ҳам дуэтдан, ҳам клипдан баҳраманд бўлинг!