Ҳилола Ҳамидовадан болажонларга бағишланган совға

Хушовоз хонанда Ҳилола Ҳамидова куни кеча мухлислар эътиборига юртимизнинг етакчи радиотўлқинлари орқали “Болажон” деб номланган таронасини тақдим қилди. Жажжи болажонларга бағишланган бу композиция илиқ фикрлар билан кутиб олинди. Қўшиқ  бир неча йиллар олдин Отабек Мадраҳимов томонидан куйлангани сир эмас. Ўз вақтида барчага манзур келган қўшиқнинг Ҳилола Ҳамидова томонидан ижро қилинган янгича талқини ҳам ўз мухлисларини топади деб умид қиламиз.