Ойбек ва Нигорадан “Хоҳламайман”

Эстрадамизнинг энг чиройли жуфтликларидан бири Ойбек ҳамда Нигора яқиндагина “Хоҳламайман” номли янги қўшиқ яратишгани ва унга видеоклип тасвирга олдиришгани ҳақида маълумот берган эдик. Мазкур ижод маҳсули бугун мухлислар эътиборига намойиш этилди. Тингловчилар томонидан илиқ кутиб олинган қўшиқнинг клипи ҳам томошабинларга манзур келади деб ўйлаймиз. Трек ва сюжет жанридаги видеоклипда Севара Солиева ва Баҳтиёр Турғуновнинг оилавий можаролари акс этган.

Қўшиқ муаллифларига тўхталадиган бўлсак, сўзи ва мусиқаси Ойбек Алимовга, аранжировкаси эса Рустам Тўлашевга тегишли. Клип Сарвар Каримов режиссёрлигида суратга олинган. Оператор Иззат Лутфуллаев.