“Хонадон эгаси” - ҳаётий сабоқларга бой фильм.

Маълумотларга кўра, Эркин Аъзам сценарийси асосида, Ўзбекистон Ҳалқ артисти Ёдгор Саъдиев режиссёрлигида “Хонадон эгаси” деб номланган бадиий фильм суратга олинди.

“Обод турмуш йили”га бағишланган ушбу фильм нуроний, донишманд отахоннинг ўз оиласида тинчлик-тотувликни сақлаши, муҳтож инсонларга ёрдам қўлини чўзиши, набираларни тўғри тарбиялаш борасидаги саъй-ҳаракатларини томоша қилишингиз мумкин.

Турли ҳаётий, қизиқарли, таъсирчан воқеаларга бой фильмда ролларни Ёқуб Аҳмедов, Хайрулла Саъдиев, Фатхулла Масъудов, Шохида Исмоилова,Маҳмуд Исмоилов, Лола Элтоева ҳамда Раъно Шодиевалар ижро этган.

Фильмнинг дубляж ишлари яқин кунларда ўз ниҳоясига етди.

Катта премъера 2014 йилнинг Январь ойига мўлжалланяпти. “Хонадон эгаси” ни томоша қилиб, ўзингиз учун керакли, ҳаётий сабоқларни оласиз деган умиддамиз.