Шаҳриёрни соғинганлар учун кутилган янгилик
Сана: 17.10.2014
5294
қайноқ
Бундан бир неча йиллар аввал реп йўналишида яратган қўшиқлари билан халқ эътиборига тушган ва айниқса ёшларнинг севимли хонандасига айланишга улгурган Шаҳриёр яна она диёримизда ижод қилишни бошлади.
Айни вақтда яна ижод уммонига шўнғиб, тинимсиз қўшиқлар яратаётган хонанда бугун сайтимиз орқали мухлислар учун узоқ кутилган видеоклипни тақдим этмоқда.
“Бу кеча” дея номланган тарона матни Улуғбек Отажонов ва Мардон Отажоновга тегишли. Мусиқасини эса ижодкорнинг ўзи Мардон Отажонов билан биргаликда басталашган. Аранжировка ҳам айнан Мардон Отажонов томонидан тайёрланган.
Ўзига хос трек йўналишидаги видеони Рустам Мелиев тасвирга олган.
Шаҳриёрнинг янги “Бу кеча” таронасига ишланган клипни ҳозироқ томоша қилиб, муносиб баҳо беринг!