“Биз севги йўлидамиз” номли фильмнинг намойиши бўлиб ўтди

Куни кеча Алишер Навоий номидаги киносаройида яна бир картининг намойиши бўлиб ўтди. “Биз севги йўлидамиз” деб номланган мазкур фильмнинг тақдимоти ҳам бошқалари каби бадиий қисм билан бошланди. Кино ижодкорлар билан бирма-бир таништирилганидан сўнг, фильм намойиш этилди.

 

 

Ушбу картина режиссёри Олим  Сулаймонов. Мелодрамма жанридаги мазкур фильм 4 қаҳрамон орқали очиб берилган.  Картинада муҳаббат туйғусининг энг буюк қирралари ифода этилган бўлиб, унинг қудратига яна бир бор амин бўласиз. Фильмда бош ролларни Санжар Шодиев ҳамда Саида Саидбекова, шунингдек, Феруза Абдураимова, Севара Ражабова, Камол Бобоназаров, Ҳолмурод Саидов, Райим Ғофуров ижро этишган. Гўзал Матёқубова ҳамда Низомиддин Мўминов томонидан ёзилган сценарий бўйича ишланган картина ижодкорларига омад тилаб қоламиз.