Узоқ кутилган “7 олам” фильмининг намойиши бўлиб ўтди

 

Бугун пойтахтимизда жойлашган Алишер Навоий киносаройида узоқ кутилган “7 олам” фильмининг намойиши бўлиб ўтди. Премьерада кино ихлосмандлари, картина ижодкорларининг яқинлари, ҳамкасблари ташриф буюрди. Фильм намойиши анъанага мувофиқ ўтказилди. Тақдимотнинг бадиий қисми ўтказилганидан сўнг фильм намойиши бошланди. Ундаги воқеалар шундай ривожланадики, томошабинни диққатини ўзига жалб этади. Картина қаҳрамонлари образини яратган Алишер Усмонов ва Зарина Низомутдинова бир фильмни ўзида 7 образда намоён бўлишади.

 

Картина қаҳрамони Алишер хотини Заринани ҳаётини сақлаш учун 7 хил оламга кетма – кет тушиб, ўз қиёфасидаги инсонлар образига кириб, Зарина қиёфасидаги қизларни қутқариши керак эди. Бироқ Алишер 7 оламга тушиб 7 Заринани эмас, 6 тасини қутқаради. Фильм қаҳрамони Алишер турмуш ўртоғини жонини сақлаб қола оладими? Воқеалар ривожини қандай давом этади? Бу саволларга картинани томоша қилиб билиб оласиз. Шундай экан фильмни томоша қилишга чорлаб қоламиз.

Эслатиб ўтамиз, “7 олам” фильмида Зарина Низомутдинова, Алишер Усмонов, Ситора Алимжонова, Ойдин Юсупова, Умид Искандаров, Муҳаммадисо Абдулҳайиров, Мурод Ражабов, Азиза Бегматова ва бошқалар иштирок этишган. Картина режиссёри Озод Шамс. Продюсер Руслан Мирзаев.