Umidaxon tez kunda yangi taronasini taqdim etadi

Sho’x-shaddod Umidaxon xalqimizning yaxshi kunlarida javlon urib xizmat qilmoqda. Har kuni kuyov kutib, kelin kuzatgan xonanda, muxlislari uchun yangi taronalar yozishni ham  kanda qilmayapti.  Umidaxonning bergan ma’lumotga ko’ra, tez kunda bir emas, ikkita qo’shiq premyera qilinadi. Temur Rahmonov bilan hamkorlikda yozilgan musiqiy asarga Valixon Zaynobiddinov va Xurshid Azizov ham o’z hissasini qo’shmoqda. Demak, yangi taronalar taqdimotini kutib qolamiz.