Юлдуз Турдиева Тожикистоннинг мустақиллик тантаналарида қатнашди

Ўзбекистонда хизмат кўрсатган артист Юлдуз Турдиева Тожикистонга ташриф буюрди. У қўшни давлат мустақиллигининг  30 йиллиги муносабати билан ўтказилган катта концертда иштирок этди. Байрам тадбирида хонанда “Беқасам” номли қўшиғини ижро қилди. Унинг чиқиши тожикистонлик мухлисларини хурсанд қилиб юборди. Концертдан сўнг юртимизга қайтган Юлдуз Турдиева яна халқ хизматларига отланди.