Абдурашид Йўлдошевдан навбатдаги ижод намунаси - "Бошқаларда йўқ"

Ўзбекистонда хизмат кўрсатган артист Абдурашид Йўлдошев бугун сайтимиз орқали навбатдаги ижод намунасини мухлислар эътиборига ҳавола қилди. “Бошқаларда йўқ” деб номланган бу қўшиққа видеоклип ҳам тасвирга олинган. Режиссёр Саъдулла Ҳикматов томонидан тасвирга туширилган видео асар мухлисларга манзур келишига умид қиламиз.

Таронанинг муаллифларига тўхталадиган бўлсак, сўзи Жаҳонгир Абдуллаев қаламига мансуб. Мусиқаси эса Мусахон Нурматов томонидан басталанган. Қўшиққа Аҳлиёр Азимов мусиқий сайқал берган.