Фурқат ҳақида ҳужжатли фильм суратга олинмоқда

Кинематография агентлиги буюртмасига биноан етук ўзбек адиби Зокиржон Холмуҳаммад ўғли Фурқат ҳаёти ва ижодига бағишланган “Ғурбатда Фурқат бор экан тақдирда” ҳужжатли фильмининг суратга олиш ишлари бошланди. Фильмда Шафоат Раҳматуллаева, Расулхон Қодирхонов, Муҳаммадсоли Юсупов, Глеб Голлендер, Миркамол Қорабоев, Юлдуз Пайзиева, Бобур Айтмагамбетов каби актёрлар роллар ижро этмоқда. Ҳозирда суратга олиш ишлари Фарғона вилоятининг Қўқон шаҳридаги Ҳамза Ҳакимзода Ниёзий уй-музейида, Муқимий мадрасасида, Қўқон Жоме масжидида, “Баркамол” болалар мактабида, Ислом Каримов номидаги Тошкент давлат университети ҳузуридаги Қўқон Нефть ва газ саноати техникумида бўлиб ўтмоқда.