Улуғбек Қодиров кутилмаган янгилик

Маҳоратли актёр Улуғбек Қодиров кутилмаган ижодий туҳфаси билан мухлисларини хурсанд қилди. У жазирама ёзнинг иссиқ кунларида «Ёғар ёмғир»  деб номланган янги таронаси билан баҳорий кайфият улашди.  Мусиқий асар актёрнинг мухлислари учун кутилмаган совға бўлди десак адашмаймиз. Маълумки,  Улуғбек Қодиров олдин ҳам бир нечта қўшиқ куйлаб халқимиз эътиборига ҳавола қилган. Янги ижод маҳсули ҳам ўз тингловчиларини топади деб умид қиламиз. Композицияни тинглаб, албатта фикр-мулоҳазаларингизни билдиринг.