Манзурадан видеопремьера

Соҳировоз хонанда Манзура биласиз сўнгги пайтларда қизғин ижод билан банд. Янги лойиҳалар устида иш олиб бораётган хонанда яна бир ижод маҳсулини халқимизга армуғон этиш арафасида. Бу сафар у навбатдаги клипини намойиш этади. Видео асар “Бу одам менинг дадам” номли қўшиғи учун тасвирга олинган. Таъсирли тарона нафақат Манзуранинг мухлисларини, қолаверса юртимиз аҳлини ҳам бефарқ қолдирмайди. Оталар эътироф этилган бу қўшиқ ва клип ҳар бир инсоннинг юрагидан муносиб ўрин олиши тайин. Манзурага омад тилаймиз.