Достон Убайдуллаев янги видеоклип суратга олдирди

"Ниҳол" мукофоти совриндори Достон Убайдуллаев яқиндагина "6 хонадон" номли қўшиғини халқимизга армуғон қилган эди. Тингловчиларга манзур келаётган ушбу тарона учун хонанда куни кеча видеоклип суратга олдирди. Клип трек жанрида бўлиб, съёмка жараёни павилёнда бўлиб ўтди. Видео асар хонанданинг доимий ҳамкори Саъдулла Ҳикматов режиссёрлигида суратга олинди. Тасвирчи Исраил Исмаилов.

Эслатиб ўтамиз, тарона Хушнуд Дарвеш сўзи, Фазлиддин Раҳмонов мусиқаси ва Сардор Зоиров аранжировкаси билан яратилган.