Отабек Муталхўжаев тез кунда янги қўшиғини тақдим қилади

Хонанда Отабек Муталхўжаев янги қўшиқлар яратиш билан банд. У яқин кунларда навбатдаги қайноқ ижод намуналаридан бирини тақдим этмоқчи. Қўшиқ номи "Сабр" деб номланади. Айни дамда ушбу тарона устида қизғин ижодий ишлар олиб борилмоқда.  Шу билан бирга, хонанда "Айт тун" композициясининг клипини ҳам тайёрламоқда. Монтаж ишлари якунланган видео асарнинг дубляж жараёни бошланди. Демак, тез орада севимли хонандангиздан премьералар кетма кетлигини кутиб қолинг.