“Олтин Ҳумо” миллий кинотақдимоти иккинчи маротаба ўтказилади

Ўзбекистон Киноарбоблари ижодий уюшмаси 2020 йил 10 апрелда иккинчи бор “Олтин Ҳумо” миллий кинотақдимотини ўтказади.
Кинотақдимотда 2019 йил 1 январдан 31 декабргача премьераси бўлиб ўтган давлат ва нодавлат студияларининг тўлиқ метражли, бадиий, ҳужжатли, анимацион фильмлари қатнашишлари мумкин. Аризалар жорий йилнинг 25 январидан 20 февралига қадар қабул қилинади. Аризалар фақат юридик шахслар томонидан тақдим этилади.
"Олтин Ҳумо" миллий кинотақдимотида иштирокчилар 17 номинация бўйича тақдирланадилар. Улар орасида Ўзбек кинематографиясига қўшган ҳиссаси учун» «Олтин Ҳумо» махсус мукофоти ҳам бор.