Бинардиндан премьера

Куни кеча хонанда Бинардиндан янги қўшиқ премьера арафасида тургани ҳақида хабар берган эдик. У янги қўшиғини оммага тақдим этаркан, композициянинг яралиш тарихи ҳақида ҳам тўхталиб ўтди. Хонанданинг берган маълумотига қараганда, ушбу тарона унинг шахсий ҳаёти, изтироблари, кечинмаларининг маҳсули бўлиб, таронанинг яралиш тарихи 4 йил олдин бошланган. Дардли оҳанглар, ҳаёт йўлларидаги тўсиқлар, қўшиқнинг таъсирли сўзлари тингловчининг кўнгил соҳилларидаги кемада сузиб бораётган ёлғиз йўловчини эслатади. Хонанда ушбу ижод намунаси соф туйғулари билан азобли ишқнинг оловларида ёнган қалбларга малҳам бўлишига катта умид боғлаган.