Нилуфар Усмонова ва Салиҳдан кутилган дуэт

Нилуфар Усмонова ниҳоят Салиҳ билан куйлаган дуэтини тақдим қилди. "Омад ёр бўлсин" номли мазкур қўшиқ ва унинг клипи аъло даражада қарши олинди. Ёшларбоп, кайфиятни кўтарадиган  мазкур ижод маҳсули янги йилга муносибтуҳфа бўлса ажаб эмас. Трек услубида яратилган клипда эса хонандани янгича образда кўрасиз. Қўшиқ ва клип муаллифларига тўхталадиган бўлсак, мусиқий асар Шаҳноз томонидан яратилган. Аранжировкасини эса Жасур Абдураҳмонов амалга оширган. Клип хонанданинг доимий ҳамкори Сарвар Исаев томонидан суратга олинган. Тасвирчи Рустам Муродов. Кўринг завқланинг ва мириқиб рақсга тушинг.