Нилуфар Усмоновадан романтик тарона премьераси
Севги-муҳаббатни тараннум этувчи қўшиқлар доимо инсон қалбига яқиндир. Сабаби муҳаббат гўзал туйғулардан бири бўлиб, инсонни юксакларга кўтаради.
Нилуфар Усмонова ҳам қалбидаги меҳр-муҳаббатини ўзининг янги қўшиғи орқали изҳор қилишга қарор қилди.
Бу сафарги тарона инсонни бутунлай романтика оламига олиб кетади, севиш ва севилиш бахти нақадар ёқимли эканлигига яна бир бора ишонч берувчи мазкур қўшиқ “Севги қиссаси” дея номланади.
Таронани яратишда Нилуфар Усмонова Шуҳрат Нуралиев ва бастакор ва аранжировкачи Жасур Абдураҳмонов билан ҳамкорлик қилди.
“Севги қиссаси” қўшиғи учун видеоклип ҳам суратга олинди. Видео Сарвар Исаев томонидан тасвирга олинди. Тарона мазмунига монанд муҳаббат оламига етакловчи ва романтик руҳ баҳш этувчи махсус декорация яратилди.
Нилуфар Усмонованинг ўзи ҳам оппоқ бежирим либосда намоён бўлган. Унинг кўриниши клипга янада жозибадорлик қўшади. Видеоклип суратга олиш жараёнидан олинган фотосуратларни эътиборингизга ҳавола этмоқдамиз.
Муҳаббат билан ҳаётнинг гўзаллигига ишора этувчи таронани сайтимиз орқали қарши олинг!