Муниса Ризаевадан жўшқин тарона премьераси
Серғайрат ва тиниб-тинчимас Муниса Ризаева ўз йўналишида яратилган янги таронани 1-август куни тақдим этди.
“Орзу қилма” дея номланган тарона премьерасини кўпчилик интиқлик билан кутганди десак муболаға бўлмайди. 1-август санасида юртимизнинг бир қатор радиостанцияларида премьера қилинган қўшиқ биринчи марта эксклюзив равишда “Ўзбегим Таронаси” радиоси орқали жаранг сочди. Таронанинг премьераси ҳам одатдаги лойиҳалардан фарқли равишда икки бошловчи ҳамроҳлигида ўтказилди.
Турсуной Алимова ва Дилмурод Ғуломов олиб борган премьера лойиҳасида янграган “Орзу қилма” қўшиғини Бобур Умаров ёзиб берган. Муниса Ризаева эса маромига етказиб ижро этган. Буни тингловчилар ҳам эътироф этишди.
Кузда ўтказиладиган концерт дастурига қизғин хозирлик кўраётган Муниса Ризаеванинг истеъдоди ҳақида кўплаб мухлислар эътироф этишди. Хусусан, унинг овози хатто чет элдаги мусиқа шинавандаларини ҳам ўзига мафтун этганлиги маълум бўлди.
Қўшиқ эса Мунисага хос жўшқин кайфиятда яратилган. Ана шу жиҳат билан ҳам кўплаб тингловчиларнинг мақтовига сазовор бўлди.