Нариман Григорян навбатдаги либослари коллекциясини тақдим қилди

Серқирра ижодкор, либослар бўйича дизайнер Нариман Григорян 26 февраль куни янги либослари коллекциясини намойиш қилди. "Spring summer 2019" яъни "Баҳор ёз 2019" номли либослар тўплами намойишига дизайнернинг ҳамкасблари, яқинлари, санъат вакиллари ташриф буюришди. Либослар 3 қисмда тақдим қилинди. Биринчи ва учинчи қисмда оқшом либослари намойиш қилинган бўлса, иккинчи қисмда келин кўйлаклари тақдим қилинди. Тўпламлардан ўрин олган ҳар бир либос ташриф буюрганларни доимгидек ҳайратда қолдирди. Янги коллекция устида дизайнернинг қанчалик меҳнат қилгани, намойиш этилган либосларда ўз аксини топган десак асло муболаға бўлмайди. Кечага ташриф буюрган қизларни маҳлиё қилган келин либослари ҳар бир бўлажак келин орзу қилганидек бежирим, нафис ва такрорланмас. Нариман Григорянни янги либослари коллекцияси намойиши билан табриклаймиз ва улкан мувоффаққиятлар тилаймиз.