Озодбек Назарбековнинг ташаббуси билан янги лойиҳага қўл урилди

Ўзбекистон ва Қорақалпоғистон халқ артисти Озодбек Назарбеков ташаббуси билан яна бир янги лойиҳага қўл урилди. Заҳириддин Муҳаммад Бобурнинг таваллуд айёми муносабати билан ташкиллаштирилган бу лойиҳада кўпгина халқимиз севган санъаткорлар иштирок этиб, ўз ҳиссаларини қўшишди. Жумладан Озодбек Назарбеков, Гулсанам Мамазоитова, Абдурашид Йўлдошев, Алишер Файз, Малика Эгамбердиева, Шоҳжаҳон Жўраев, Баҳром Назаров, Сардор Мамадалиев, Жаҳонгир Позилжонов, Афруз гуруҳи, Сурҳон гуруҳи ва бошқа хонандалар иштирок этишди. Улар бутунлай ўзгача ва бир қарашда таниб бўлмас образларда намоён бўлишди.