“Эҳтиром-2018” мукофотининг тақдирлаш маросими бўлиб ўтди

Юртимизда фаол ва сермаҳсул ижод қилаётган санъат ва маданият вакиллари ҳамда ўз ижодий тажрибалари билан ёшларга ибрат бўлаётган устоз санъаткорларни қўллаб-қувватлаш ҳамда рағбатлантириш мақсадида “Эҳтиром-2018” мукофоти совриндорларини тақдирлаш маросими бўлиб ўтди.

“Эҳтиром” мукофотининг ўзига хослиги шундаки, у йил давомида санъат ва маданиятимизнинг турли йўналишларида фаол ва сермаҳсул ижод қилган фидойи, заҳматкаш ижодкорларни тақдирлайди, уларга эҳтиром кўрсатади. Мазкур мукофот билан жами 31 та санъат вакили муносиб деб топилди. Жумладан “Йилнинг энг фаол актрисаси” Ўзбек Миллий академик драма театри актрисаси Зилола Гулямова, “Йилнинг энг фаол актёри” киноактёр Адиз Ражабов, “Йилнинг энг яхши эстрада хонандаси” Фериде Гиргин, “Йилнинг моҳир созандаси” Фарҳод Саидов ва бошқалар “Эҳтиром-2018” мукофотининг соҳиби бўлишди.