Нилуфар Усмонова ва Шоҳруҳхондан ваъда қилинган қўшиқ премьераси

Эстрадамиз юлдузлари Нилуфар Усмонова ва Шоҳруҳхон маълумки, бундан 12 йил олдин "Барча шодлик сенга бўлсин" номли дуэт куйлашганди. Орадан йиллар ўтиб, икки ижодкор бу мусиқий асарни янгича талқинини яратиб, Шоҳруҳхоннинг жорий йилдаги яккахон концерт дастурида ижро қилишганди. Концерт давомида бу таронани премьера қиламиз деб ваъда ҳам беришганди. Мана шу кун етиб келди. Бугун Шоҳруҳхон ва Нилуфар Усмонова ижросидаги "Барча шодлик сенга бўлсин" қўшиғи юртимизнинг етакчи радиотўлқинлари орқали жаранг сочди. Аъло даражада кутиб олинган дуэт Эркин Воҳидов сўзи, Юлдуз Усмонова мусиқаси ёзилган. Композициянинг янги сайқали Жасур Бадалбоев томонидан амалга оширилган.