Уммон гуруҳидан тез кунда янги видеоклип

Бир неча кун олдин Уммон гуруҳи "Йиғлама юрак" номли қўшиғини тақдим қилган эди. Қисқа вақт ичида ёшларимиз орасида оммалашишга улгурган тарона учун гуруҳ вакиллари видеоклип суратга олдиришди.

Клип маҳоратли клипмейкерлардан бири Дилмурод Агзамов режиссёрлигида суратга олинди. Тасвирчи ўз ишининг етук мутахассиси Рустам Муродов. Клипни тасвирга олиш жараёнлари икки кун мобайнида бўлиб ўтди. Съёмка пойтахтимизнинг турги гўшаларида ўтказилди. Яқин кунларда премьера қилиниши режалаштирилган мазкур клипни Уммон гуруҳи мухлислари аллақачон сабрсизлик билан кутишни бошлаб юборишди. Ҳозирча кутамиз ва кузатамиз.