Сардор Мамадалиевдан кутилаётган туҳфа

Хушовоз хонанда Сардор Мамадалиев янги қўшиқ ва клиплар устида иш олиб бораётгани сир эмас. Шу билан бирга, у яна бир кутилаётган туҳфасини тез кунда тақдим қилишини маълум қилди. Жорий йилнинг май ойида Сардор Мамадалиевнинг "Йигит ноласи" номли концерт дастури бўлиб ўтган эди. Мухлисларини кўп куттиришни истамаган хонанда, яқин кунларда ушбу концерт дастурининг видео тури тайёр бўлишини ва томошабинларга ҳавола қилинишидан хабардор қилди. Айни дамда монтаж ишлари деярли якунланган. Хонанданинг асл мухлислари сабрсизлик билан кутаётган ушбу совғани сиз ҳам кутяпсизми? Унда оз қолди! Кузатишда давом этинг.