Баҳром Назаров янги видеоклип суратга олдирди

Хонанда Баҳром Назаров яқиндагина мухлисларини "Юраксиз" деб номланган таронаси билан хушнуд қилган эди. Халқимиз орасида ўз тингловчиларини топиб улгурган бу шўх мусиқий асар учун видеоклип суратга олинди. Клип Баҳром Назаровнинг доимий ҳамкорига айланган клипмейкер Суннат Намозов режиссёрлигида тасвирга туширилди. Унда бош ролни хонанда билан бирга латофатли актриса Муқаддас Саъдуллаева ижро қилди.

Клип жараёнидаги фотосуратлар эса катта баҳс-мунозараларга сабаб бўлди. Ҳаттоки, мухлисларни шошириб қўйди. Видеоклип яқин кунларда намойиш этилиши кўзда тутилган. Хонандага ва унинг ижодий жамоасига омад тилаган ҳолда, видеоклип премьерасини кутиб қоламиз.