Санжар Ҳаликов "Севдим" клипини намойиш қилди

Ёш бўлишига қарамaй, халқимиз меҳрини қозонишга улгурган, Рашид Ҳаликовга муносиб  издош бўлишга интилаётган  Санжар Ҳаликов яқиндагина "Севдим" номли таронасини халқимизга армуғон қилган эди. Хабарингиз бор, хонанда мазкур таронаси учун видеоклип ҳам суратга олдирган. Куни кеча ушбу қўшиқ учун яратилган видео асар томошабинлар эътиборига намойиш этилди. Ушбу ижод намунаси трек ва сюжетни ўз ичига олган бўлиб,  унда ёш ва иқтидорли актёр ва актрисалар иштирок этишган. Ёдгор Носиров билан ҳамкорликда тасвирга туширилган клип мухлисларга манзур келишига ишонамиз.