Улуғбек Раҳматуллаев “Алвон лолалар” қўшиғига видеоклип суратга олдирди

Ўзбекистонда хизмат кўрсатган артист Улуғбек Раҳматуллаев ижодий жамоаси билан бирга, бир неча кун давомида янги клипи устида иш олиб бормоқда. Унинг навбатдаги клипи “Алвон лолалар” таронаси учун тасвирга туширилди.

Илк бор хонанданинг яккахон концерт дастурида жаранг сочган мазкур қўшиқ аллақачон ўз мухлисларини топиб халқимиз орасида оммалашишга ҳам улгургани сир эмас. Клип намойишидан сўнг мухлисларни янада ўзига жалб қилиши тайин.

Ёдгор Носиров режиссёрлигида тасвирга туширилган видеоклип кутилмаган воқеиликни ўз ичига олади. Демак, яқин кунларда Улуғбек Раҳматуллаевдан янги клип премьерасини кутиб қолинг.