“Истиқлол”да бўлиб ўтадиган “Чунки, бу биз” киноконцерти намойишига оз қолди

Маълумки, 1, 2 май куни “Истиқлол” санъат саройида Беном гуруҳи ўзининг навбатдаги “Чунки бу биз” деб номланган киноконцертини намойиш қилади. Кўплаб мухлислар кутаётган концертга саноқли кунлар қолди. Жонли ижрода бўлиб ўтадиган дастур учун махсус яратилган Жамшид Хожиниёзовнинг “Чунки бу биз” фильми ҳам концерт давомида премьера қилинади. Шунинг учун ҳам бу оддий концерт эмас, киноконцерт. Фильмда Беном гуруҳининг “Эсламадинг” ва “Февраль” клипининг қаҳрамонлари тақдири акс этади. Али ва Гулининг муносабатлари ривожига айнан концертга ташриф буюрган томошабинлар гувоҳи бўлишади.