Воҳиджон Исоқов янги видеоклипни тақдим этди
“Холиқ ака” номли таронаси ташриф қоғозига айланган Воҳиджон Исоқов бугун сайтимиз орқали яна бир янги клипини тақдим этмоқда.
"Ёр олдида" дея ном олган янги таронага Шуҳрат Мавлонов клип суратга туширди. Мазкур клип айнан бугун эътиборингизга ҳавола этилмоқда.
Клип суратга олиш учун чўлга борган ижодий гуруҳ жазирама ҳаво ҳарорати туфайли бироз қийинчиликка дуч келишган экан.
Қуёшнинг заррин нурлари остида тасвирга олинган видеоклип трек йўналишида бўлса-да, тасвирлар одатдаги студияда суратга олинган кадрлардан мутлақо фарқ қилади.
Ошиқ йигитнинг ёр ишқида қайноқ ҳарорат остида кўрган кечинмалари қизиқарли тарзда талқин этилган.
Видеони ўзингиз томоша қилиб, унга муносиб баҳо беринг!
Воҳиджон Исоқов ижодида эса янгиликлар бисёр. Тез кунларда шўх ва рақсбоп йўналишда янги тарона тақдим этилиши режалаштирилмоқда. Бу ҳақда кейинроқ батафсил маълумот берамиз.