“Назм ва Наво” кечаси бўлиб ўтди

Жорий йилнинг 6 февраль куни Буюк шоир ва мутафаккир Алишер Навоий таваллудининг 577 йиллиги ҳамда шоир, давлат ва жамоат арбоби Заҳириддин Муҳаммад Бобур таваллудининг 535 йиллиги муносабати билан, Алишер Навоий номидаги Ўзбекистон давлат академик катта театрида “Назм ва Наво” кечаси ўтказилди. "Назм ва Наво" кечасининг дастурида Алишер Навоий ҳамда Заҳириддин Муҳаммад Бобур қаламига мансуб ғазаллари санъаткорлар томонидан ижро этилди. Жумладан Ўзбекистон халқ артисти Шерали Жўраев, Замира Суюнова, Озодбек Назарбеков, Ҳайрулла Лутфуллаев, Ўзбекистон халқ ҳофизи Сойиб Ниёзов, Эркин Рўзиматов, Ўзбекистонда хизмат кўрсатган артист Тойир Қўзиев, Гулбаҳор Эрқулова, Юнус Ражабий номидаги “Мақом” ансамбли ва бошқа бир қатор санъаткорлар иштирок этишди.