Жаҳонгир Позилжонов ўз йўналишида янги клипни тақдим этди

Жаҳонгир Позилжонов яқинда "Онажоним ёздим хат" номли таронасини тақдим этганди. 

Бугун эса мазкур қўшиққа ишланган видеоклипни премьера сифатида тақдим этмоқдамиз. 

Жаҳонгир Позилжонов видеоклиплари доимо ўзгача йўналиш ва хазилга бойлиги билан ажралиб туради ва айнан шу жиҳати туфайли томошабинлар эътиборини тортади. 

Бу сафар ҳам худди шундай, яна бир хазиломуз клип. "Онажоним ёздим хат" қўшиғига мос тарздаги сюжетга эга видео клипмейкер Жонрид Сагдиев томонидан суратга олинган. 

 

Клипда эса "Қувноқлар ва зукколар" танлови иштирокчилари, қолаверса, бир неча фильмлар орқали актёрлик қобилиятини намоён этган иштирокчиларни ҳам кўришингиз мумкин. Уларнинг маҳорати эса бу сафар ҳам сизга яхши кайфият улашади. 

 

Клип шунингдек, ёш болалар учун фойдали бўлиши мумкин. Сабаби Жаҳонгир Позилжонов ва унинг дўстлари видео давомида жисмоний тарбия билан шуғулланиш борасида мастер-клас ўташади. Қандай дейсизми? Бу саволга видеони томоша қилган ҳолда жавоб топишингиз мумкин. 

Шу ўринда, Жаҳонгир Позилжоновнинг актёрлик қобилиятини ҳам алоҳида эътироф этиш зарур. Хулоса ўрнида айтганда, клипни томоша қилишни тавсия этамиз!