Моҳимдан навбатдаги тарона ва клип премьераси

Бугунги кунда ўзининг қўшиқлари ва клиплари орқали кўпчиликнинг севимли хонандасига айланишга улгурган Моҳим "Ўзбегим Таронаси" радиоси орқали янги "Севаман" номли қўшиғини тақдим этди. Сайтимиз орқали эса мазкур қўшиққа ишланган видеоклипнинг премьерасини қарши олинг!

Аввало қўшиқ премьераси ҳақида тўхталадиган бўлсак, тарона матни Моҳира Абдуҳакимова қаламига мансуб. Мусиқа ва аранжировка муаллифи Ботир Отамуродов. 

Миллий руҳда яратилган тарона шўх оҳангга эгалиги билан инсонлар қалбидан жой олишини тингловчилар ҳам эътироф этишди. Радиога қўнғироқ қилиб тушган мухлислар Моҳимнинг ижодига ижобий баҳо бериб, овоз жиҳатдан яхши имкониятларга эгалигини билдиришди. Завқли тўлқинга хос шўх кайфиятда ўтган премьера сўнггида тингловчилар Моҳим ижодига янада улкан парвозлар тилашди. 

Сайтимиз орқали тақдим этаётган видеоклип эса трек йўналишида тайёрланган бўлиб, клипмейкер Жонрид Саъдиев томонидан тайёрланган. Клипда Моҳимни миллий либосларда бир неча кўринишда намоён бўлган. 

 

Сиз ҳам сайтимиз орқали Моҳим ижросидаги янги тарона ва видеоклипдан баҳраманд бўлинг!